Նյութը՝ Հրաչուհի Ալմաստյանի
Լուսանկարները՝ համացանցից
Տեղադրվել է 2019-05-27 09:33
Մասնագիտություններ, որոնք այլևս գոյություն չունեն
Եթե դուք ամենայն պատասխանատվությամբ կատարում եք, օրինակ, հաշվապահի, թարգմանչի, իրավախորհրդատուի աշխատանքը, ձեր մտքով դժվար թե անցնի, որ մի օր այդ մասնագիտությունները մարդկանց այլևս անհրաժեշտ չեն լինի: Տարիներ առաջ մարդ-զարթուցիչները, առնետ որսացողները, մեքենագրուհիները դժվար թե պատկերացնեին, որ այն ինչ իրենք են անում, այսօր արժանանում է թեթև ժպիտի:
Անցյալի մասնագիտություններ, որոնք այլևս գոյություն չունեն: 

Մարդ զարթուցիչ

Այս մասնագիտությունը տարածված է եղել Մեծ Բրիտանիայում մինչև 1970-ական թվականները: Մարդ-զարթուցիչները արթնացրել են մարդկանց՝ մահակով թակելով նրանց պատուհաններին: «Իսկ ո՞վ էր արթնացնում մարդ-զարթուցիչներին»: Պարզվում է՝ ոչ ոք. այդ մարդիկ քնում էին ցերեկը, իսկ գիշերը մնում էին արթուն:

Մեքենագրուհի
 
Այս մասնագիտությունը անհետացել է 1990-ական թվականներին, երբ գրամեքենաների տեղը զբաղեցնելու եկան համակարգիչներն ու տպիչները: Սակայն 30 տարի առաջ մեքենագրուհիներ կային բոլոր հաստատություններում: Նրանք օրվա ընթացքում տպագրում էին տասնյակ ձեռագիր թերթիկներ և իրավունք չունեին սխալվելու, հակառակ դեպքում ստիպված կլինեին տպագրել ողջ թերթը կրկին:

Լապտերավառ
 
1417 թվականին Լոնդոնի փողոցներում քաղաքապետ Հենրի Բարտոնի հրամանով հայտնվեցին առաջին քաղաքային լամպերը: Մարդիկ ստիպված էին լույսը վառել և մարել ձեռքով, լցնել տաք հեղուկը և ժամանակին մաքրել լամպերը: Այս պահանջարկն առաջացրեց լապտերավառների մասնագիտությունը: Մինչև 19-րդ դարը կային հատուկ մասնագետներ, ովքեր վառում էին լապտերները:

Մարդ-համակարգիչ

Մինչև համակարգիչների ստեղծումը, այդ դերը կատարում էին կանայք: Կանանց հաշվիչ թիմերը մասնակցում էին  խոշոր ինժեներական կառույցների նախագծմանը, երկրորդ համաշխարհային պատերազմի ժամանակ զենքի մշակմանը և առաջին էլեկտրոնային հաշվիչ սարքերի ծրագրավորմանը:

Առնետ որսացողներ 
 
Առնետ որսացողները տարիներ առաջ փրկել են քաղաքների բնակիչներին այս վտանգավոր կրծողներից և դրանց միջոցով տարածվող վարակներից:

Հրավիրված դասախոս գործարաններում

Գործարանների աշխատողները, բանվորները հաճելի ժամանացի համար ունեցել են հրավիրված դասախոս, ովքեր այցելելով գործարաններ, բարձրաձայն կարդացել  են նորություններ և գրական ստեղծագործություններ:

Սառցահատ

Այս մասնագիտությունը գործել է մինչև սառնարանների ստեղծումը: Սառցահատները սառույցը կտրում էին և տեղադրում մթերքը պահելու համար նախատեսված հատուկ արկղերում:

Ժանտախտի բժիշկ

Այս վտանգավոր մասնագիտությունը եղել է մինչև ժանտախտի հաղթահարումը: Մարդիկ համաձայնում էին ժանտախտով հիվանդներին խնամել բարձր աշխատավարձի դիմաց:

Անպետք իրերի գնորդ

Այս մասնագիտությունն աղբահավաքի նախատիպն է եղել. մարդիկ շրջում էին բնակավայրերում և հավաքում անպետք իրեր՝ դրանցից ինչ-որ նոր բան ստանալու նպատակով:

Դե ինչ, եթե մի օր ձեր մասնագիտությունն էլ հայտնվի անհետացածների շարքում, պետք չէ հուսահատվել. նշանակում է, որ աննախադեպ առաջընթաց է ապրում գիտությունն ու տեխնոլոգիան՝ իր հետ բերելով նոր մասնագիտություններ: