Վերականգնման ճիշտ ընկալման կարևորությունը
Իրականում ամենակարևորը հասկանալն է, թե վերականգնումը որքան է նպաստում մեզ: Յուրաքանչյուրն էլ պետք էլսի իր ներքին ձայնին, որը օրգանիզմի ամենաճիշտ տեղեկատուն է: Ավելին, ախորժակը և սրտի նորմալ աշխատանքը նույնպես լավ ցուցիչներ են: Եթե արդեն ուժասպառ եք, ապա չափն անցել եք: Այս խորհորդներով մեզ հետ կիսվեց հայտնի վազորդ Սաբրինան, ով նաև մարզիչ է Նյու Յորքում և Runtastic-ի ներկայացուցիչը ԱՄՆ-ում: Արդեն երկու տարի է, ինչ նա համատեղում է բոդիբիլդինգը և վազքը և կիսվում իր փորձով:

Խորհուրդներ, որոնք անհրաժեշտ են վազորդներին վերականգնվելու համար

Ինտենսիվ մարզումներից կամ մրցավազքերից հետո վազորդներին անհրաժեշտ է լիովին վերականգնվել: Հաջորդ մրցավազքին մասնակցելու համար մարմինը պետք է հանգստանա և վերականգնվի : Եվ սա, իսկապես, ամենակարևորն է հաջորդ մարզումներին ավելի պատրաստված լինելու համար: Ընդհանուր առմամբ,  վազորդներին անհրաժեշտ է իմանալ մի քանի միջոց վերականգման արդյունավետության մասին, ինչպես օրինակ որքա՞ն պետք է հանգստանալ, ո՞րն է ամենաճիշտ սննդակարգը վերականգման համար: Հետևյալ խորհուրդները կօգնեն ճիշտ կազմակերպել վերականգնողական գործընթացը:

Վերականգնողական հանգիստ

Հարց է ծագում, թե հանգստից հետո երբ պետք է վերսկսել մարզումները: Ինտենսիվ մարզումները և հանգիստը պետք է լրացնեն մեկը մյուսին, և այս պարագայում ամենաճիշտը վերականգնողական հանգիստն է, որը նպաստում է լինել նախկինից ավելի լավ մարզավիճակում: Վազորդի համար կարևոր է հաջորդ մարզումներին լինել վերականգնված և պատրաստված: Կախված, թե ինչպես եք մարզվում վազքի համար՝ կան վերականգնման տարբեր ձևեր տարբեր տևողությամբ: Սա նշանակում է նաև, որ վերականգնողական հանգիստը ամեն անգամ կտարբերվի՝ կախված մարզումների ինտենսիվությունից:

Մկանների վերականգնումը կամ դանդաղ է ընթանում, կամ արագ: Շատ սկսնակ վազորդներ թույլ են տալիս միևնույն սխալը՝ մարզումները սկսում են առանց լիովին վերականգնման, որը շատ է վնասում: Այսպիսով, խորհուրդ է տրվում գոնե 2 կամ 3 օր լիովին հանգստանալ վերականգնվելու համար, այլապես չեք գիտակցում, որ օրգանիզմին ժամանակ է անհրաժեշտ մկանների, հոդերի և հյուսվածքների վերականգնման համար:

Միջոցներ՝ առավելագույնի հասցնելու վերականգնումը վազքից առաջ

Արդյո՞ք գիտեիք, որ վերականգնումը սկսվում է անմիջապես վազքից հետո: Ավելի հստակ՝ մարզումից 30 րոպե հետո սկսվում է վերականգնողական գործընթացը, իսկ դա նշանակում է, որ անմիջապես պետք է ջրավորվեք: Իսկ, թե օրական որքան ջուր է հարկավոր խմել, շատ հեշտ է հաշվել հետևյալ բանաձևով՝ 30 մլ × կգ (մարմնի քաշ) = մլ (կստացվի, թե օրական քանի մլ ջուր է անհրաժեշտ խմել): Սակայն ինտենսիվ մարզումից հետո անհրաժեշտ է խմել ևս 500-1000 մլ: Մարզումից հետո վերականգնմանը նպաստելու համար օգտակար են նաև ածխաջրերը, սպիտակուցը և նատրիումը: Դե իհարկե, ամեն ինչ կախված է օրգանիզմի պահանջներից:

Քնելուց առաջ մագնեզիում օգտագործելը բավականին նպաստում է, քանզի օրգանիզմին իսկապես անհրաժեշտ են հանքանյութեր: Մեր օրգանիզմը հանքանյութ չի արտադրում, այլ սպառում է վազելու ընթացքում: Բավարար քունը նույնպես վերականգնման հիանալի միջոց է վազորդների համար: Իհարկե, կան նաև այլ միջոցներ, ինչպես օրինակ հանգստացնող մերսումը կամ սաունա գնալը, հատկապես մրցավազքից հետո: Ընտանիքի և սիրելի ընկերների ու մարդկանց հետ ժամանակ անցկացնելը բավականին նպաստում և հաճելի է դարձնում և մարզումները, և առօրյան: Իսկ մարզումներին պատրաստ եք լինում ինչպես ֆիզիկապես, այնպես էլ հոգեպես:

Հավելումները՝ որպես վերականգնմանը նպաստող միջոցներ

Կարելի է ասել, որ վերականգնման գործընթացում հավելումներն իսկապես արդյունավետ են վազորդների համար: Գլուտամինը, ամինաթթուները, գամմա-ամինոբուտիրիկ թթուն, կրեատինը, հանքանյութերն ու վիտամիները ամենատարածված հավելումներն են: Գլուտամինը և ամինաթթուները օգտակար են վիտամինների դեֆիցիտի ախտանիշների դեպքում, գամմա-ամինոբուտիրիկ թթուն՝ քնի հետ խնդիրներ ունենալու դեպքում: Սակայն ցանկացած հավելումից ավելի կարևոր է առողջ սննդակարգը:

Կենսակերպի ազդեցությունը վերականգման վրա

Յուրաքանչյուր վազորդի կենսակերպը լավ կամ վատ ձևով անդրադառնում է վերականգնման վրա: Եթե ճնշված եք, հոգնել եք աշխատանքից, անհանգիստ եք կամ ուղղակի տրամադրությւոն չունեք, ապա գրեթե անհնար է լիովին վերականգնվել: Մտավոր առողջությունը նույնքան կարևոր է, որքան ֆիզիկականը:

Անհրաժեշտ է իմանալ նաև, որ ալկոհոլը դանդաղեցնում է վերականգնման գործընթացը:

Նյութը՝ https://www.runtastic.com/